პატარა ბიჭი არარსებულ ძმას გამოიგონებს. რატომ? ის ხომ პირველია, ერთადერთი... მანამდე არავინ იყო. პატარაობიდან ეჩვენება, რომ მასა და უახლოეს გარემოცვას შორის დუმლის კედელია აღმართული. თითქოს ეს ხალხი ის საიდუმლო საზოგადოებაა, რომლის წევრებიც ერთმანეთთან აკრძალული გლოვით არიან დაკავშირებული.

საბედნიეროდ, გამოჩნდება ადამიანი, რომელიც მას სიმართლის აღმოჩენაში დაეხმარება. ძიების პროცესში ბიჭს დროში მოგზაურობა მოუწევს, მეორე მსოფლიო ომისა და ჰოლოკოსტის ტრაგედიის საშინელებათათვის თვალის გასწორება. თუმცა ტკივილისმომგვრელი, მაგრამ, ამავდროულად, სიღრმისეული გააზრების გარეშე ფსიქოლოგიური ტრავმის დასაძლევად აუცილებელ უნარს ვერ გამოიმუშავებ.

2004 წელს წიგნს მიენიჭა ლიცეუმელთა გონკურის პრემია, ხოლო 2005 წელს მიიღო ჟურნალ "ელის" მკითხველთა გრან პრი.