გვერდების რაოდენობა: 132
ყდა: რბილი 

ტარა სელტერისთვის დრო 18 ნოემბერს ჩერდება. ის მივლინებით პარიზში მიემგზავრება და მეორე დილით, საუზმისას, სასტუმროს ბუფეტში აღმოაჩენს, რომ მეზობელ მაგიდასთან პურის ნაჭერი იატაკზე ზუსტად ისე ვარდება, როგორც წინა დღეს ჩამოვარდა. გაზეთებსაც წინა დღის, 18 ნოემბრის თარიღი აწერია. ასე მეორდება უსასრულოდ. გზააბნეული ტარა სახლში დაბრუნებას გადაწყვეტს. მისი მეუღლე ტომასი ჩამოშლილი დროის ამბავს დაიჯერებს, თუმცა მეორე დღეს აღარაფერი ახსოვს. მას დილაობით ყველაფერი ახლიდან უნდა უამბო. ერთ დღესაც ტარა სტუმრებისათვის განკუთვნილ ოთახში გადაბარგდება და ისე, რომ ტომასმა ამის შესახებ არაფერი იცის (მას ხომ ცოლი პარიზში ჰგონია), ცხოვრებას იქ გააგრძელებს. როდის აღდგება ჩამოშლილი დრო?

„დროისა და სივრცის მიღმა" - დანიელი მწერლის, სოლვეი ბალეს, შვიდტომეულის პირველი წიგნია. ავტორმა ამ ისტორიის წერას ოცი წელიწადი მოანდომა და ჯერაც არ გამოუცია ბოლომდე. ცოტა ხნის წინ ამ საგის მეექვსე ტომი გამოქვეყნდა, ხოლო მეშვიდე წიგნი ჯერ კიდევ წინაა. ამასობაში, ტარა სელტერის ჩამოშლილი 18 ნოემბრის ამბავს ლიტერატურული შედევრი უწოდეს და მის გამოცემას 30 ქვეყანაში გეგმავენ. გთავაზობთ ამ მომაჯადოებელი ისტორიის პირველი ტომის ქართულ თარგმანს.

„ყველაზე დიდი რომანები ახერხებს სივრცის გახსნას, სოლვეი ბალემ კი სივრცე დროში გახსნა. ეს სრულიად წარმოუდგენელია“, - კარლ უვე კნაუსგორი.